Hei-j Up net 3

 

“Hei-j Up Priês” aanmoedigingspriês vör optochttalênt.

Met ingang van ‘t sezoên 2008 hieët de Rogstaekers Aod Preense Club in samewêrking met Stadsvastelaovendj-vereiniging de Rogstaekers unne aanmoedigingspriês ingestéldj vör aanstôrmendj optochttalênt in de groeëte Rogstaekersoptocht. Dieëze priês hétj de ‘Hei-j Up Priês’.

Doel

De Aod Preense van Wieërt wille hieejméj vuuërâl now deilnemers aan de groeëte Rogstaekersoptocht stimulieëre en aanmoedige. Um zoeë de vastelaovendj in Wieërt en de optocht nóg mieër schwung te gaeve.

Weem kân de priês winne?

Alle optochtdeilnemers: einlinge, duo’s, trio’s, kwartette, klén- en groeëte groepe, klén- en groeëte wagebawwers. Vuuërwaarde és wul det de deilnemers pas de ieërste of twieëdje kieër méjdoen aan de Rogstaekersoptocht. Deilnemers hoove zich niet vuuëraaf in te schriêve vör de “Hei-j Up Priês” mer zeen automatisch genominieërdj. De Rogstaekers gaeve de name van de now deilnemers doeër aan de speciaal jury.

Priês

De priês bestieët uut unne groeëte wisselbokaal gemaaktj door unne échte Wieërter smieëd: Frits van Lamershoeëf . Naeve dieëze unieke ‘Hei-j Up Priês’ kriegtj de winnaar ouch nog een oeëverlaevingspakket aangeboeëje doeër de Aod Preense Club. Vör de winnaar és d’r naoteurlik vuuërâl ouch nog de ieër ein jaor met dieëze wisselbokaal te moge proonke. De winnaar kriegtj ouch nog ‘n ieërvôl vermelding op de internetsite van de Rogstaekers Aod Preense Club.

Naam van de priês

De naam  ‘Hei-j Up Priês’  verwiesj nao ‘t hoêslidje van de Aod Preense Club. Dit hoêslidje weurtj beej alle beejeinkomste van de Aod Preense gezônge. Van eeder now te ontgreune aspirânt Aod Preens weurtj verwachtj det hae dit lidje, tieëgenoeëver de hieël club zelf, zoonger hölp en uut volle borst kân zeenge.

Jury

De jury vör de ‘Hei-j Up Priês’ bestieët uut vieëf  AodPpreense di-j vuuër en oonger de optocht hun oeërdeil in ‘n rapport zétte en uuteindelijk gezâmenlik tot unne winnaar zulle kaome. De ‘Hei-j Up Priês’ weurtj tiêdes de prieësuutreiking naa afloup van de groeëte Rogstaekersoptocht uutgereiktj.

 

 Alle winnaars:                                                                        2018

Weertdegekste VV de Fieëstbieëste 3

Weertdegekste VV de Fieëstbieëste 2    Weertdegekste VV de Fieëstbieëste 1

                             Foto’s: Weertdegekste     

                                                                                      VV de Fieëstbieëste

Motto: Vastelaovendj Supervet

2017

Weertdegekste2

                                                                                           Foto: Weertdegekste

    Weertdegekste1  IMG_6057

                        Foto: Weertdegekste

Milva’s & Laatblujjers    

Motto: ‘t es fris aan dae ris

2016

2016-heiup

2016-heiup_foto Weert-Actueel 2016-heiup_foto Weert-Actueel_2

                                Foto: Weert-Actueel                                                                  Foto: Weert-Actueel

Dansstudio Release

Motto: 40 Jaor Release det verdeentj d’n ieërste prieës det weurtj fieëste wi-j wildje bieëste!

2015

2015-Optocht-VV-Vrieet-Wi-j-det-gieet-552

 2015-prijsuitreiking-019 2015-prijsuitreiking-022

VV Vrieët wi-j det gieët

Motto: Krap beej kas

2014

2014-optocht-184  2014-priesuutreiking-054

C.V.  De Klunze

Motto: Bal-lansieëre

2013

2013-optocht_030  Montage Heij Up 2013

C.V. De Klungels

Motto: Vör ‘t gerecht verschieëne

2012

optocht-267  Priesuitreiking 040

VV Heldje op Zok

Motto: Achterstevuuëre

2011

2011_optocht-3_020  P1000629 (1632 x 1224) (1)

VV de Snoôterkuûkes

Motto:  Vae rake neet uutgeblusj

2010

 2010_groteoptocht161 _D206085 (1936 x 1296)

VV De Sauswauzen

Motto: Ruuële? Hejjae nog Preense plaetjes vör os?

2009

2009-Optocht_-131-HeijUp  _D202285 (1936 x 1296)

VV De Laorder Bêngels

Motto: Vae hebbe d’r ‘ne poppekast van gemaaktj

2008

2008_optocht_333-HeijUp  APD2009Hei-jUpoorkonde

VV Bekans Elluf

Motto:   Wieërter toppers inne optocht

This post is also available in: Dutch