De Parallelwieëg és unne ontsloeëtingswieëg parallel aan de spoeërlien Wieërt-Eindhoven. In vreuger tiêd woore heej ‘n aantal bedrieëve gevestigdj woeë-oonger de alleminiumfebriek Platinal (later Artola o.a. bekindj van de alleminium fluitkieëtels en panne) en de bekindje Limco slachteri-j.

Vlakbeej de hook met de Stationsstraot stong ‘t houtere frietkot van Bér Rutten (Friture Modern, baeter bekindj as de Rut). Bekindj doeër zieën zelf geschildje aerpel en zelfgemaakdje mayonaise en oonger mieër drökbezochtj doeër de soldaote di-j op wieëg woore nao de Kuuëningklikke Militair Schoeël aan de Kazêrnelaan.

De kaomende jaore zulle d’r nog mieër plevuûze van aod-preense waere gelagdj in de Parallelwieëg, Driesveldlaan en Stationsstraot.

Welke plevuûze liggen in dieës straot?