De Stationsstraot és de verbeengingsstraot tösse de karakteristieke stasie (gebawdj in 1914 en rieëksmonnemênt) en de binnestad. De straot és in 2013 en 2014 hieëlemaol gerinnevieërdj en de aoj bebawwing és vervânge doeër weenkels, ’n parkieërgraasj en appartemênte.

Op de hook van de Stationsstraot en ‘t Stationsplein, vuuër ‘t hotel met dezelfdje naam, stieët ‘n stândbieëldj van Antje van de Stasie. Antje Hendrix (1877-1936) woor in hieël Nederland bekindj doeër de verkoup van lekker Wieërter vlaetjes, woeëmej ‘t langs de trén leep. Hieël bezûndjer: zelfs op de stopleechte stieët Antje aafgebieëldj.

Vlakbeej ‘t bieëldje van Antje ligtj de plevuus van aod-preens Luuk I Knapen en aod-jeugdpreens Sem I Meewis (2015). De kaomendje jaore zulle dr nog míeër plevuûze van aod preense waere gelagdj in de Stationsstraot, Parallelwieëg en Driesveldlaan.

Op de hook van de Stationsstraot, Wilhelminasingel en Langport, vuuër kefee ’t Swaentje, ongevieër op de plek woeë vreuger ’t stândbieëldj van ’t Menke stong en woeëoeëver Pierre Dentener ’n bekindj vastelaovendjlidje schreef, ligtj noow de plevuus van aod preens Lars I Lambers en jeugdpreens Marijn I Nies (2016). De kaomendje jaore zulle dr nog mieër plevuûze van aod preense waere gelagdj in de Stationsstraot, Parallelwieëg en Driesveldlaan.

Welke plevuûze liggen in dieës straot?